«Էրեբունի» բժշկական կենտրոն

«Էրեբունի» ԲԿ Դժվար լավացող վերքերի և լիմֆադեմաների բուժման ծառայությունը զբաղվում է տարբեր ծագման վերքերի և լիմֆեդեմաների բուժմամբ, որի հիմքում ընկած է վերջույթների պահպանումը, անդամահատման վտանգի կամ անհրաժեշտության նվազեցումը: Ծառայությունում կիրառվում են դժվար ապաքինվող վերքերի բուժման ժամանակակից բոլոր մեթոդները:

Ծառայությունում օգտագործվում այս հիվանդությունների բուժման ամենանորագույն մեթոդները: Դրանից մեկը, որը լայնորեն կիրառվում է՝ վերքերի բուժումն է խոնավ միջավայրում: Այդ նպատակով օգտագործվում են վիրակապեր, որոնք համապատասխանում են բժշկության մեջ հայտնի «իդեալական» վիրակապի չափորոշիչներին:

• վերքի մակերեսին պահպանում են համապատասխան խոնավության միջավայր

• հեռացնում են էքսուդատի և տոքսիկ կոմպոնենտների ավելցուկը

• ջերմամեկուսացնում են վերքը

• օդաթափանցիկ են

• թույլ չեն տալիս տալիս մանրէների և միկրոօրգանիզմների ներթափանցում

• չեն պարունակում թունավոր մասնիկներ և նյութեր

• պաշտպանում են նոր գոյացած հյուսվածքները

• հեշտ հեռացվում են վերքի մակերեսից, առանց այն վնասելու

Երկար ապաքինվող վերքերի բուժման համար անհրաժեշտ է ոչ միայն ժամանակակից տեխնիկական հագեցվածություն, այլեւ մասնագիտական լուրջ ներուժ:

Տարբեր ծագում ունեցող վերքերի բուժման ամենաարդյունավետ մեթոդներից մեկը, որը կիրառվում է աշխարհի առաջատար կլինիկաներում բացասական ճնշման մեթոդի տեղային վերահսկելի շարունակական կիրառումն է, այլ կերպ ասած, տեխնիկական վակումը: Այս մեթոդը լայնորեն կիրառվում է նաեւ և «Էրեբունի» ԲԿ-ում:

Ցուցումներն են

• սուր տրավմատիկ վնասվածքներ
• ջերմային վնասվածքներ
• նեկրոզով ֆասցիտ
• պառկելախոցերի
• թարախային վերքեր
• տրոֆիկ խոցեր
• ոտնաթաթի դիաբետիկ դեստրուկտիվ վնասվածքներ
• էնդոպրոտեզավորումից և որովայնի խոռոչի վիրահատություններից հետո հանդիպող բարդություններ

Լիմֆոստազի պատճառները որոշելու համար պահանջվում է փոքր կոնքի, որովայնի խոռոչի, վերջույթների անոթների ՈւՁՀ, կրծքավանդակի ռենտգեն հետազոտություն, լիմֆոգրաֆիա, լիմֆոսցինտիգրաֆիա: Ծառայությունում լիմֆոստազի բուժումն անցկացվում է ոչ վիրահատական (մանուալ լիմֆդրենաժ, ապարատային լիմֆդրենաժ, կոմպրեսիոն թերապիա, հիրուդոթերապիա, դեղորայք) և վիրահատական (լիմֆոերակային անաստամոզների վերականգնում ) մեթոդներով:

Լիմֆոստազ ախտորոշման դեպքում «Էրեբունի» ԲԿ Դժվար լավացող վերքերի և լիմֆադեմաների բուժման ծառայություն անցկացվում են.

- մանուալ լիմֆդրենաժ

- ապարատային լիմֆդրենաժ

- պացիենտի համար կոմպրեսիոն ոչ էլաստիկ տրիկոտաժի անհատական ընտրություն

Ծառայության գլխավոր ուղղություններից մեկը նաեւ դիաբետիկ ոնտաթաթի խնամքն է: