«Էրեբունի» բժշկական կենտրոն

Էրեբունի ԲԿ-ի վերականգնողական ծառայությունը ստեղծվել է 2014 թվականին:

Վերականգնողական բաժանմունքում աշխատում են լավագույն մասնագետներ, որոնց աշխատանքային փորձը համապատասխանում է միջազգային չափանիշներին: Ծառայությունն ունի բազմաֆունկցիոնալ նշանակություն և համագործակցում է տարբեր բաժանմունքների և մասնագետների հետ: Այստեց անցկացվում է ռեաբիլիտացիոն և ֆիզիոթերապևտիկ բուժում նորագույն արդյունավետ մեթոդների և սարքավորումների կիրառմամբ:

Ծառայության հիմնական ուղղություններն են `

• Ռեաբիլիտացիա

• Ֆիզիոթերապիա

• Լոգոպեդիա

Վերականգնողական բաժանմունքում օգտագործվում է ռեաբիլիտացիոն միջոցների լայն սպեկտր, որոնք վերաբերվում են բուժական ֆիզկուլտուրային, ֆիզիոթերապիային, մանուալ թերապիային: Բաժանմունքում մշակված են պարապմունքների յուրահատուկ մեթոդիկաներ` տարբեր տեսակի ապարատային և ձեռքով մերսում, աշխատանքային թերապիա և կինեզոթերապիա:

Վերականգնողական ծառայությունը անցկացնում է բուժական և վերականգնողական միջոցառումներ պացիենտների հետևյալ խմբերի հետ`

- Ռեանիմացիոն հիվանդների

- Հետկաթվածային հիվանդների, որոնք ունեն մկանային անբավարարություն (պլեգիա, պարեզ);

- Ողնաշարի պաթոլոգիաներով հիվանդների ` ողնաշարի ճողվածքի բուժում, լազերոթերապիա, կրունկային խթան, օստեոխոնդրոզ, սկոլիոզ, կոնքազդրային արտրոզներ, արտրոզներ

- Սիրտ-թոքային պաթոլոգիաներով հիվանդների

- Օրթոպեդիկ և հետվնասվածքային խնդիրներով տառապող հիվանդների

- Կլման ակտի խանգարումով հիվանդների ( դիսֆագիա);

- Խոսքի խախտումներով հիվանդների (աֆազիա, դիզարտրիա, խոսքի տեմպի և ռիթմի խանգարում, դիսֆոնիա):

Ֆունկցիոնալ ռեաբիլիտացիայի կիրառվող մեթոդներն ու միջոցները`

- Շնչառական մարմնամարզության կոմպլեքսներ

- СPM -թերապիա (պասիվ մոբիլիզացիա)

- Կինեզոթերապիա (մոբիլիզացնող մարմնամարզության կոմպլեքս ,նաև տրենաժորի օգտագործմամբ)

- Դիրքային բուժում

- Մեխանոթերապիա ճոճանակային կամ բլոկային տրենաժորների օգտագործմամբ

- ֆիզիոթերապիայի միջոցներ` լուսային բուժում, մագնիսոթերապիա, մաշկի էլեկտրոստիմուլյացիա, թերմոապլիկացիա;

- Բուժական և դեղորայքային բլոկադաներ

Ծառայությունում ամեն օր անցկացվում է հիվանդների շրջայց, բուժման տակտիկայի վերաբերյալ քննարկումներ, իսկ ամեն ամիս անցկացվում են սեմինար-պարապմունքներ:

Ռեաբիլիտացիան դա բուժական և պրոֆիլակտիկ միջոցառումների կոմպլեքս է , որը նպաստում է պացիենտի կորցրաց հնարավորությունների վերականգնմանը տարբեր հիվանդություններից հետո: Ֆիզիկական ռեաբիլիտացիան հիմնական տեղ է զբաղեցնում վերականգնողական բժշկության մեջ: Այն ենթադրում է ինչպես ֆիզիկական վարժությունների և ազդեցությունների, այնպես էլ բնության գործոնների համալիր կիրառում: Ռեաբիլիտացիայի այս տեսակը ուղղված է վնասված օրգանների ֆունկցիայի վերականգնմանը , վնասվածքներից հետո հարմարեցմանը, առօրյա կյանքի ներգրավմանը:

Ռեաբիլիտացիոն կուրսի նպատակն է առավելագույնս հասնել պացիենտի կորցրաց ֆունկցիաների լիարժեք վերականգնմանը` ելնելով վնասվածքի կամ հիվանդության եղած հետևանքներից: Վիրահատական միջամտությունների բարդությունների և քանակի զգալի աճը, նոր վիրաբուժական մեթոդների մեծ ցանկը , պացիենտների տարիքային սահմանի ընդլայնումը պահանջում է ծառայության աշխատանքում հերթականության ճշգրիտ սահմանում`

• Ռեաբիլիտացիայի մոտեցում հիվանդի մահճակալին

• Վաղ հետվիրահատական, իսկ որոշ դեպքերում նաև նախավիրահատական շրջանում ինտենսիվ աշխատանք;

ԲԺՇԿԱԿԱՆ ՌԵԱԲԻԼԻՏԱՑԻԱՅԻ ՓՈՒԼԵՐԸ ՎՆԱՍՎԱԾՔԻՑ ՀԵՏՈ`

Վերականգնողական թերապիայի մեթոդները

- Բուժական ֆիզկուլտուրան (ԲՖԿ)-հատուկ մշակված ֆիզիկական վարժությունների կոմպլեքս է , որոնք կատարվում են մասնագետի հսկողությամբ: Դրանք օգնում են կանխել հյուսվածներում և օրգաններում դեգեներատիվ փոփոխությունները , թույլ են տալիս հաղթահարել ատրոֆիան: ԲՖԿ-ն նպաստում է նյութափոխանակության կարգավորմանը, լավացնում է սիրտ-անոթային համակարգի աշխատանքը, ամրացնում է մկանները և ընդհանուր առմամբ “հանգստացնում է ” նյարդային համակարգը, բարձրացնում է տրամադրությունը: Ընդորում կարևոր է չափը չանցնել, հարկավոր է պարապել համաձայն բժիշկի կողմից մշակված ծրագրի:

- Մեխանոթերապիան ԲՖԿ -ի հավելումն է: Դրանք այն վարժություններն են , որոնք պացիենտը ինքնուրույն չի կատարում , այլ կատարում է հատուկ ապարատների օգնությամբ: Այն թույլ է տալիս լավացնել հոդերի և մկանների շարժունակությունը, հաղթահարել ատրոֆիկ և դեգեներատիվ պրոցեսները, վերականգնել վնասվածքների արդյունքում կորցրած ֆունկցիաները: Վարժությունները հարկն է կատարել մասնագետի հսկողության տակ: Միայն նա կարող է ճիշտ տեղադրել և ֆիքսել մարմնի տվյալ մասը կոնստրուկցիայի վրա, ճիշտ ընտրել ծանրաբեռնվածությունը և գնահատել կատարվող շարժումների տեմպը:

-Ֆիզիոթերապիան դա վերականգնում է ֆիզիկական գործոնների օգնությամբ` տաքության, մագնիսական ճառագայթման, էլեկտրական հոսանքի, լույսի, օդի և այլն: Մեթոդն առաջարկում է հատուկ սարքերի և ապարատների օգտագործում: Շարժողական ակտիվության խանգարման ժամանակ օգտագործում են էլեկտրոստիմուլյացիա, այսինքն ` հոսանք: Տաք ազդեցության մեթոդները, օրինակ` պարաֆինային ապլիկացիաները , օգտագործում են ողնաշարի վնասվածներից հետո վերականգնման ժամանակ: Լազերոթերապիան օգնում է կանխել ցավերն ու այտուցները, իսկ մագնիսոթերապիան ` լավացնել օրգանիզմի ընդհանուր վիճակը: Այս պրոցեդուրաները անցավ են , սակայն նրանցից մի քանիսը ունեն մի շարք հակացուցումներ, հետևաբար ընտրվում է անհատական ֆիզիոթերապևտիկ բուժում:

Ռեաբիլիտացիայի առանձնահատկությունները տարբեր բնույթի վնասվածքներից հետո

Ողնաշարի վնասվածքներ

Դրանք կարող են առաջանալ վնասվածքի, ընկնելու , սեղմվածության արդյունքում: Դա մեխանիկական վնասվածքներից ամենավտանգավորներից մեկն է , քանի որ կարող է հանգեցնել ծայրահեղ ծանր հետևանքների` ողնուղեղի անցուղիների խանգարմանը: Վերջինս էլ հանգեցնում է անշարժության և զգայունակության կորստի: Ռեաբիլիտացիայի ծրագիրն ու ժամկետները կախված են ստացված վնասվածքի ծանրության աստիճանից, ինչպես նաև պացիենտի անհատական առանձնահատկություններից: Ռեաբիլիտացիայի սկզբնական փուլը պետք է անցկացնել վնասվածքից հետո առաջիկա օրերին: Նախ և առաջ հիվանդին պետք է օգնել ճիշտ դիրք ընդունել մահճակալի վրա, անցկացնել պրոֆիլակտիկա պարկելախոցերից և թոքերում կանգային երևույթներից խուսափելու համար: Ողնաշարի վնասվածք ստացած պացիենտներին միանգամից նշանակում են շնչառական մարմնամարզություն , դիետիկ սնուննդ: Վերականգնողական երկրորդ փուլում առաջարկվում է մերսում , ռեֆլեքսոթերապիա, ֆիզիոթերապևտիկ բուժում , մեխանոթերապիա և բուժական ֆիզկուլտուրա: Երրորդ փուլում վարժությունների կոմպլեքսը փոխվում է ` բուժական ֆիզկուլտուրային, ֆիզիոթերապիային և մեխանոթերապիային ավելանում է լողը: Կորցրած հմտությունների վերականգնման համար անցկացվում են պարապմունքներ էրգոթերապևտի հետ:

Գանգուղեղային վնասվածքներ

Այսպիսի վնասվածքների ժամանակ ռեաբիլիտացիայի ժամկետները և վերականգնողական թերապիայի կոմպլեքսը կախված է վնասվածքի ծանրության աստիճանից: Թեթև գանգուղեղային վնասվածքների ժամանակ; ռեժիմի պահպանման, ճիշտ սննդակարգի և ֆիզիոթերապևտիկ բուժման դեպքում վերականգնումը սովորաբար տեղի է ունենում մեկ ամսվա ընթացքում և չի պահանջում հավելյալ ռեաբիլիտացիոն միջոցառումներ: Ինչ վերաբերվում է ծանր և միջին ծանրության գանգուղեղայն վնասվածքներին, ապա դրանք կարող են դժվարություն առաջացնել տեղաշարժվելուց; դժվարանում է պացիենտների ինքնասպասարկումը: Հնարավոր է խոսքի խանգարում, տեսողության նվազում: Մերսումը, ԲՖԿ-ն և ֆիզիոթերապիան արդյունավետ կլինեն ռեաբիլիտացիայի առաջին իսկ փուլերում:

Հենաշարժական ապարատի վնասվածքներ

Այս տեսակի վնասվածքներին են վերաբերվում կոտրվածքները, ճաքերը, հոդերի վնասվածքները, հոդախախտը, սալջարդը և մկանների պատռվածքները, ջլերի ձգավնասումը: Վաղ ռեաբիլիտացիոն շրջանում պացիենտներին անհատական կերպով նշանակվում է ֆիզիոթերապիա, որն օգնում է ազատվել այտուցներից, ԲՖԿ և մեխանոթերապիա: Բուժական մերսումը նույնպես օգտակար է : Ինչպես համոզվեցինք, ռեաբիլիտացիան կոտրվածքներից և վնասվածքներից հետո ` բարդ պրոցես է : Այն բաղկացած է վերականգնողական թերապիայի համալիր մեթոդներից: Միայն մասնագետը կարող է կազմել անհատական ծրագիր: Պացիենտի շուտափույտ վերականգնման համար չափազանց կարևոր է ստեղծել հարմարավետ պայմաններ և դրա հետ միասին ապահովել մշտական բժշկական խնամք:

Բաժանմունքում անցկացվում են հետևյալ ֆիզիոթերապևտիկ պրոցեդուրաները ` նորագույն սարքավորումների օգտագործմամբ;

• Ողնաշարի տաբեր հատվածների դեկոմպրեսիա

• Էլեկտրոֆորեզ

• Էլեկտրոստիմուլյացիա

• Մագնիսոթերապիա

• Լազերոթերապիա

• Պլազմոլիֆտինգ

• Իմպուլսային թերապիա

• Դարսոնվալիզացում

• Բուժական մերսումներ

• Բուժական ֆիզկուլտուրա

• Կինեզոթերապիա

• Լուսային բուժում

• Սովորական և դեղորայքային ինհալյացիաներ

• ՈՒՎՉ

• Դիմային նյարդի վերականգնում

• Սկոլիոզի կորեկցիա

Բաժանմունքում նաև անցկացվում են լոգոպեդիա, որն ուսումնասիրում է խոսքի խանգարման պատճառները, մեխանիզմները, սիմպտոմատիկան, ընթացքը, կառուցվածքը, մշակում կորեկցիոն ազդեցության համակարգը:

Լոգոպեդը անցկացնում է խոսքի խանգարումով և այլ բարձր հոգեկան ֆունկցիաների խանգարումով հիվանդների ախտորոշիչ հետազոտություն : Բժիշկի հետ համատեղ կազմվում են բժշկական և մանկավարժական անհատաական ծրագրեր հետևյալ խանգարումներով հիվանդների համար (աֆազիա, դիզարտրիա, դիսլեքսիա, դիսֆոգիա դիսգրաֆիա, կակազություն և այլն.) տարբեր մեթոդիկաներով (օրինակ ` վարժություններ, որոնք ներգրավում են խոսակցությանը մասնակցող մկաններ և այլն.).

Մարզադահլիճը հագեցած է բոլոր հարմարություններով ռեաբիլիտացիոն վերականգնողական բուժում անցկացնելու համար` շվեդական պատ, գնդակներ, մատեր, բազմաֆունկցիոնալ տապչաններ, քայլքի շտկման ապարատ:

Բաժանմունքում գործում են մի շարք մասնագիտացված կաբինետներ: Մերսման կաբինետ` ձեռքով կամ ապարատային մերսում անցկացնելու համար (վակում-մերսում, վիբրոմերսում):

Վերականգնողական բաժանմունքի նպատակն է` Օգտագործելով գիտականորեն ապացուցված և ստուգված ֆիզիկական ռեաբիլիտացիայի մեթոդներն ու միջոցները պրակտիկայում, հասնել մաքսիմալ հաջողության վիրահատական միջամտությունից հետո յուրաքանչյուր պացիենտի համար:

Նպատակներ`

1. Պահպանել որակավորման բարձր մակարդակ մշտական ուսուցանման միջոցով

2. Սերտ համագործակցել Էրեբունի ԲԿ-ի այլ բաժանմունքների կոլլեգաների հետ:

3. Կատարելագործել յուրաքանչյուր աշխատակցի աշխատանքային պարտականությունների կատարման որակի հսկման մեթոդները:

4. Արդիականացնել ռեաբիլիտացիայի մեթոդներն ու միջոցները համաձայն գիտության և տեխնիկայի նորագույն նվաճումների:

5. Ակտիվ մասնակցել Էրեբունի ԲԿ-ի գիտա-հետազոտական աշխատանքներին:

6. Աշխատանքային պարտականություններ կատարելիս հետևել բժշկական էթիկայի և դեոնտոլոգիայի սկզբունքներին:

Գործունեության ուղղությունները

- Պացիենտի ֆունկցիոնալ և հոգեբանական պատրաստում ռեաբիլիտացիայի վիրահատական փուլին;

- Պացիենտների ինտենսիվ վերականգնողական բուժում ֆիզիկական ռեաբիլիտացիայի միջոցով հետվիրահատական շրջանում;

- Խորհրդատվական և համակարգված օգնություն հենաշարժական ապարատի հիվանդություններ ունեցող պացիենտների ֆունկցիոնալ վերականգնման խնդիրների վերաբերյալ ռեաբիլիտացիայի ցանկացած փուլում:

Հիվանդությունների և վիճակների հիմնական խմբեր

- Վնասվածքների հետևանքներ` հոդերի կծկանքներ (կոնտրակտուրաներ), ցավեր, նեյրոպատիաներ, տունելային համախտանիշ;

- Հետվիրահատական վիճակներ ( հոդապլաստիկա, էնդոպրոթեզավորում,ողնաշարի ուղղում և երկարացում, վիրահատություն ողնաշարի վրա և այլն);

- Օստեոարթրոզներ տարբեր տեղակայման;

- Միջողային դիսկերի օստեոխոնդրոզ, սպոնդիլոարթրոզ, սպոնդիլյոզ;

- Ողնաշարի դիսպլաստիկ, դիստրոֆիկ և հետվնասվածքային դեֆորմացիաներ;

- Օստեոխոնդրոպատիաներ տարբեր տեղակայմամբ

- Ռևմատոիդ արթրիտ առանց վիսցերալ դրսևորումների, I-II աստիճանի ակտիվությամբ:

Ռեաբիլիտացիայի ձևերը

- Ռեաբիլիտացիա ռեանիմացիայի բաժանմունքից սկսած մինչև հիվանդանոցից դուրս գրում

- Ռեաբիլիտացիա անկողնային, պալատում, բաժանմունքների ռեաբիլիտացիայի համար նախատեսված մասերում , ԲՖԿ-ի դահլիճներում

- ֆիզիոթերապիան ստացիոնար բուժման բոլոր փուլերում

Ծառայությունը միավորել է լավագույն մասնագետներին, որոնք օգտագործում են իրենց գիտելիքներն ու փորձը ի օգուտ ձեր առողջությանը: