Գինեկոլոգիական բաժանմունքում իրականացվում է գինեկոլոգիական հիվանդությունների վիրահատական և կոնսերվատիվ բուժում: Բուժման կոնսերվատիվ եղանակները նախատեսված են լուծելու այնպիսի խնդիրներ, ինչպիսիք են դաշտանային ցիկլի խանգարումները, կանանց սեռական օրգանների բորբոքային հիվանդությունները, անպտղությունը, վիժումները և այլն: Գինեկոլոգիական բաժանմունքում իրականացվում է հետևյալ ախտաբանություններով հիվանդների հետազոտություն և բուժում.
- ադենոմիոզ և արտաքին սեռական օրգանների` գենիտալ էնդոմետրիոզ
- սեռական օրգանների բարորակ և չարորակ ուռուցքներ
- կոնքային քրոնիկական ցավեր
- վերարտադրողական ֆունկցիայի խանգարումներ` անպտղություն, վիժումներ, արտարգանդային հղիություն
- կանանց սեռական օրգանների բորբոքային հիվանդություններ
- ներարգանդային ախտաբանություն` արգանդի միոմա, էնդոմետրիումի պոլիպներ և այլն
- կանանց սեռական օրգանների զարգացման արատներ
- սկլերոկիստոզային ձվարանների համախտանիշ
- կոնքային օրգանների պրոլափս` արգանդի և հեշտոցի պատերի իջեցում և արտանկում
- միզարձակման խանգարումներ
Բաժանմունքում իրականացվում են վիրահատություններ հիստորոսկոպիկ և լապարոսկոպիկ եղանակներով: Բաժանմունքում լապարոսկոպիկ եղանակով իրականացվում են բարդ վիրահատական միջամտություններ`
- հիստերէկտոմիա` արգանդի հեռացում
- սուբտոտալ լապարոսկոպիկ հիստերէկտոմիա` արգանդի վերհեշտոցային հեռացում
- տոտալ լապարոսկոպիկ հիստերէկտոմիա` արգանդի էքստիրպացիա
- հեշտոցային հիստերէկտոմիա՝ լապարոսկոպիայի օժանդակությամբ
- միոմէկտոմիա` միոմատոզ հանգույցների հեռացում՝ նաև հղիության ժամանակ
- արտաքին սեռական օրգանների վիրահատություններ
- կոնքային օրգանների պրոլափսի շտկում՝ սինթետիկ ցանցերի կիրառմամբ
Բաժանմունքում իրականացվում են նաև արգանդի հավելումների լապարոսկոպիկ , կոնսերվատիվ-պլաստիկ վիրահատություններ հետևյալ իրավիճակներում`
- փողային անպտղություն
- արտարգանդային հղիություն
- փողային հղիության
- սուր բորբոքային հիվանդություններ
- ձվարանների պոլիկիստոզ
- ձվարանի ապոպլեքսիա
- արգանդի հավելումների ոլորում
- ձվարանների տարբեր չափերի և տարբեր էթիոլոգիայի կիստաներ
- արգանդի հավելումներ
- 20-22 շաբաթական հղիների ձվարանների կիստաներ
Գնացանկ
Օնկոցիտոլոգիա, արգանդի խոռոչի ասպիրատ, գոյացություններից պունկտատ, էնդոսկոպիկ բիոպսիա, հեղուկների բջջաբանական հետազոտություն
5,000
Սեռական ճանապարհով փոխանցվող 12 ինֆեկցիա
25,000
Մարդու պապիլոմա վիրուս 16,18, 31, 33, 35, 39, 45, 51, 52, 56, 58, 59
10,000
Միկոպլազմա
6,000
Արգանդի հավելյալ խոռոչների ռենտգեն հետազոտություն
10,000
Խորհուրդներ հետազոտություններից առաջ
Ինչպես նախապատրաստվել գինեկոլոգիական ուլտրաձայնային հետազոտությանը
Գինեկոլոգիական ուլտրաձայնային հետազոտությունը փոքր կոնքի օրգանների ախտորոշիչ մեթոդ է, որը թույլ է տալիս ստանալ ներքին օրգանների հստակ պատկեր և բացահայտել խնդիրները՝ վաղ փուլերից։ Գինեկոլոգիական ուլտրաձայնային հետազոտությունն անցավ է, արագ է իրականացվում (10-15 րոպե) և առավելագույն տեղեկատվություն է տալիս կնոջ վերարտադրողական օրգանների վիճակի մասին։
Գինեկոլոգիական ուլտրաձայնային հետազոտությունը հիմնականում կատարվում է դաշտանային ցիկլի 5-8-րդ օրը: Իսկ ցիկլի մյուս օրերին նշանակվող հետազոտությունների վերաբերյալ հարցերը քննարկել բուժող բժշկի հետ:
Գինեկոլոգիական ուլտրաձայնային հետազոտությունը կատարվում է 3 եղանակով
- տրանսաբդոմինալ (որովայնային)
- տրանսվագինալ (հեշտոցային)
- տրանսռեկտալ (ուղիղ աղիքով)
Տրանսաբդոմինալ (որովայնային) և տրանսռեկտալ (ուղիղ աղիով) եղանակներով կատարվող ուլտրաձայնային հետազոտություններն առավելապես իրականցվում են այն դեպքերում, երբ կինը չի ապրում սեռական կյանքով:
Սեռական կյանքով ապրող կանանց ցուցվում է տրանսվագինալ (հեշտոցային) ուլտրաձայնային հետազոտություն:
- Ուլտրաձայնային որովայնային (տրանսաբդոմինալ) հետազոտության համար անհրաժեշտ է
- երկու ժամ առաջ 1 լիտր ջուր խմել
- ներկայանալ լիքը միզապարկով
Ուլտրաձայնային հեշտոցային (տրանսվագինալ) հետազոտությանն անհրաժեշտ է ներկայանալ դատարկ միզապարկով
Ուղիղ աղու միջոցով (տրանսռեկտալ) կատարվող ուլտրաձայնային հետազոտությանն անհրաժեշտ է ներկայանալ դատարկ աղիներով:
«Էրեբունի» բժշկական կենտրոնի ծննդատանը ուլտրաձայնային հետազոտություններն իրականացվում են General Electric Voluson ուլտարձայնային վերջին սերնդի սարքավորումներով` E8, E10 և E 22 էքսպերտ դասի սարքավորումներով: Ուլտրաձայնային այս համակարգերը մեկտեղում են առաջադեմ բոլոր տեխնոլոգիաները, ապահովում են պատկերի գերազանց որակ, օժտված են բարձր ինֆորմատիվությամբ:
