«Էրեբունի» բժշկական կենտրոն

«Էրեբունի» բժշկական կենտրոնի քիթ-կոկորդ-ականջ հիվանդությունների բաժանմունքը հիմնադրվել է 1991 թվականին՝ ՀՀ առողջապահության նախարարության, UMAF Paris կազմակերպության նախագահ Գևորգ Աբգարյանի, Փարիզի «Տրուսսո» և «Նեկեր» հիվանդանոցների ՔԿԱ կլինիկաների ղեկավար, պրոֆեսոր Եղիա-Նոել Կարապետյանի և «Էրեբունի» ԲԿ ղեկավար, պրոֆեսոր Հարություն Քուշկյանի համագործակցության արդյունքում, ինչպես նաև Շառլ Ազնավուրի «SOS-Armenia» հիմնադրամի աջակցությամբ:

Բաժանմունքն իրականացնում է քիթ-կոկորդ-ականջ հիվանդությունների ախտորոշում և բուժում՝ կիրառելով միջազգային պրոտոկոլներ, նորագույն մոտեցումներ, վիրահատական ժամանակակից հնարավորություններ:

Բաժանմունքը հագեցած է նորագույն սարքավորումներով, այդ թվում՝ էնդոսկոպներով, որոնք հնարավորություն են տալիս իրականացնել ախտորոշիչ համալիր գործողություններ, ստանալ գերճշգրիտ պատկերներ, իսկ անհրաժեշտության դեպքում կատարել փոքր վիրահատական միջամտություններ՝ առանց հիվանդին վիրասրահ տեղափոխելու:

Բաժանմուքնում կատարվում են հետևյալ վիրահատությունները

• Քթի հարակից խոռոչների էնդոսկոպիկ վիրահատություններ (FESS՝էնդոսկոպիկ ֆունկցիոնալ սինուսավիրաբուժություն)

• կոկորդի և քթի խոռոչի պոլիպների հեռացում

• կոնխոտոմիակամտուրբինէկտոմիա (քթի խեցիների հեռացում)

• ստորին քթային խեցիների էնդոսկոպիկ վազոտոմիա

• քթային խեցիների ռադիոալիքային ռեդուկցիա և էլեկտրակոագուլյացիա

• քթի միջնապատի թեքվածության շտկում

• ադենոիդէկտոմիա (ադենոիդ վեգետացիաների հեռացում),

• տոնզիլէկտոմիա (քմային նշիկների հեռացում)

• ձայնալարերի պլաստիկա

• «գայլի երախ», «նապաստակի շրթունք» բնածին արատների վերացում

• թմբկախոռոչի շունտավորում

• կոխլեար իմպլանտացիա (լսողությունը լավացնող հատուկ սարքերի պատվաստում խխունջի մեջ)

• թմբկաթաղանթի ռեկոնստրուկցիա (միրինգոպլաստիկա),

• տիմպանոպլաստիկա՝միկրովիրաբուժական պրոթեզների կիրառմամբ

• մաստոիդէկտոմիա

• վիրահատություններ վահանաձև գեղձի ախտաբանությունների ժամանակ (այդթվում՝ուռուցքաբանական)

• պարաթիրեոիդէկտոմիա (հարվահանաձևգեղձերիհեռացում)

• սիալէկտոմիա

• պարանոցային լիմֆոդիսսեկցիա և այլն:

2004 թվականից UCLA համալսարանի հետ համագործակցությամբ Հայաստանում մեկնարկել է Կոխլեառ իմպլանտացիայի ծրագիրը: Աշխարահռչակ քիթ-կոկորդ-ականջաբան, պրոֆեսոր Ակիրա Իշիյամայի գլխավորությամբ, «Հայկական բժշկական հիմնադրամի» ղեկավար Սալբի Ագարակյանի օժանդակությամբ և «էրեբունի» ԲԿ ղեկավարության ջանքերով բազմաթիվ երեխաներ կյանքում առաջին անգամ ձայն լսելու և խոսելու հնարավորություն են ստացել: Այս համագործակցության արդյուքնում թանկարժեք ԿՈԽԼԵԱՌ իմպլանտները հասանելի են դառնում հայաստանցի երեխաներին:

Բաժանմունքը համագործակցում է Եվրոպայի, Ասիայի և Ամերիկայի առաջատար կլինիկաների հետ, որտեղ նաև մասնագետները վերապատրասվում են:

«Էրեբունի» ԲԿ քիթ-կոկորդ-ականջ հիվանդությունների բաժանմունքը Մխիթար Հերացու անվան Երևանի պետական բժշկական համալսարանի ՔԿԱ հիվանդությունների

ամբիոնի հիմնական բազան է: