«Էրեբունի» բժշկական կենտրոն

Նորություններ

Շողացող առիթմիան` առողջապահական համակարգի համար լուրջ խնդիր

Շողացող առիթմիան` առողջապահական համակարգի համար լուրջ խնդիր

«Էրեբունի»  բժշկական կենտրոնի առիթմոլոգիական սրտաբանական բաժանմունքի միջամտական սրտաբան-առիթմոլոգ, Հունգարիայի Դեբրեցենի Համալսարանի ասպիրանտ Միհրան Մարտիրոսյանը, որ վերջերս է վերադարձել ՀՀ և միացել «Էրեբունի» ԲԿ Առիթմոլոգիական սրտաբանական կենտրոնի թիմին, մեզ հետ զրույցում խոսեց շողացող առիթմիայից և ներկայացրեց դրա վերաբերյալ Cardiology Journal-ում տպագրված հոդվածը:


−   Նախասրտերի շողացումը (շողացող առիթմիա)` վերփորոքային առիթմիա, որը բնութագրվում է նախասրտերի քաոտիկ կծկումներով, կլինիկական պրակտիկայում առավել տարածված սրտի ռիթմի խանգարումն է, ինչը բարձրացնում է մահացության ռիսկը՝ պայմանավորված զարգացող սրտային անբավարարությամբ և հնարավոր թրոմբոէմբոլիկ բարդություններով: 2010 թ. ամբողջ աշխարհում գրանցվել է մոտավորապես 33.5 միլիոն հիվանդ, տարեկան հիվանդացությունը կազմում է մոտ 5 միլիոն: Նախասրտերի շողացման հիվանդացությունը տարեցտարի աճում  է ինչպես զարգացած, այնպես էլ զարգացող երկրներում, այդպիսով հանդիսանալով  լրջագույն խնդիր առողջապահական համակարգի համար: Վերջին տասնամյակներին, «դասական» կոնսերվատիվ դեղորայքային թերապիային զուգահեռ, ի հայտ եկավ և լայն տարածում ստացավ նախասրտերի շողացման բուժման միջամտական մեթոդը՝ կաթետերային աբլյացիան:  Նշված մեթոդի էությունը թոքային երակների «էլեկտրական սահմանազատումն» է  ձախ նախասրտից, ինչի արդյունքում  զգալի նվազում և վերանում են նախասրտերի շողացման էպիզոդները: Այդ նպատակով ստեղծվել և կլինիկական պրակտիկա են ներմուծվել տարատեսակ կաթետերներ և մեթոդներ, որոնք, որոշակիորեն տարբերվելով միմյանցից, ունեն նմանատիպ արդյունավետություն:


Տե՛ս տպագրված հոդվածը Cardiology Journal-ում ամբողջությամբ:

 

 

02.05.2015
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր