«Էրեբունի» բժշկական կենտրոն

Նորություններ

Բոլորը
1 2 3
Փրկվել է դեղորայքային ծանր ալերգիայով երիտասարդ կնոջ կյանքը
29-ամյա կինը «Էրեբունի» ԲԿ էր տեղափոխվել այլ բուժկենտրոնից՝ Լայելի համախտանիշով, երկկողմանի թոքաբորբով, ծայրահեղ ծանր վիճակում եւ միանգամից հոսպիտալացվել էր վերակենդանացման բաժանմունքում: Նրա վիճակը կտրուկ վատացել էլ այն բանից հետո, երբ օրեր առաջ թոքաբորբի բուժման համար ստացել էր հակաբիոտիկային բուժում, ինչն էլ առաջացրել էլ դեղորայքային ալերգիայի ծանրագույն վիճակ՝ Լայելի համախտանիշ: Հիվանդի բուժմամբ հրատապ կերպով սկսել են զբաղվել վերակենդացման բաժանմունքի ղեկավար Արմեն Մուրադյանը եւ ալերգոլոգիական ծառայության ղեկավար Քրիստինա Ջամալյանը: Բուժման մարտավարությունն իրականացվել է 2 զուգահեռ ուղղություններով՝ պետք էր բուժել թոքաբորբը եւ դեղորայքային ...
Մանրամասն...
Հիմնանորոգվել և վերազինվել է «Էրեբունի» ԲԿ ծննդատան գինեկոլոգիական բաժանմունքը
Հիմնանորոգվել և վերազինվել է «Էրեբունի» ԲԿ ծննդատան գինեկոլոգիական բաժանմունքը:Նույն հարկում մեկտեղված են գինեկոլոգիական բոլոր ծառայությունները: Բաժանմունքում իրականացվում է գինեկոլոգիական հիվանդությունների վիրահատական և կոնսերվատիվ բուժում: Գինեկոլոգիական վիրահատությունների համար 2 վիրասրահ է կառուցվել, որոնք համալրվել են վիրահատական՝ լապարոսկոպիկ և հիստերոսկոպիկ սարքերով, անզգայացման սարքով, մոնիթորներով, պերֆուզամատով, դեֆիբրիլյատորով, վիրահատական բազմաֆունկցիոնալ սեղանով և լուսարձակման համակարգով: Վիրահատական բլոկում ներդրված են օդափոխության և ախտահանման հատուկ համակարգեր: Ինտենսիվ թերապիայի սրահի մահճակալների անհատական մոնիթորները ...
Մանրամասն...
Բժշկական աշխարհը միավորել է ուժերը՝ հանուն վիրավոր զինվորի առողջության
«Էրեբունի» ԲԿ-ում ամերիկացի պրոֆեսոր Ակիրա Իշիյամայի գլխավորությամբ կատարվել է նորարարական վիրահատություն: Արցախում Ռոբերտ Անտոնյանը հրազենային վնասված էր ստացել, որի հետեւանքով վնասվել էր դիմային նյարդը: Անհրաժեշտ էր սեղմ ժամկետում կատարել վիրահատություն, այլապես դիմային նյարդը վերականգնելը անհնար կդառնար: Հայաստանում, սակայն, նման վիրահատություն չէր կատարվել: Վիրահատության ընթացքում անջատվել է ենթալեզվային նյարդը, ապա՝ դիմային նյարդը, որոնք այնուհետեւ միացվել են իրար: Վիրահատությունը հարթ է անցել,այժմ վերականգնողական փուլն է։ ...
Մանրամասն...
Հարություն Քուշկյան

«Էրեբունի» բժշկական կենտրոնը հանրապետության խոշորագույն բժշկական հաստատությունն է, որտեղ բնակչությանը ցուցաբերվում է համաշխարհային չափանիշներին համապատասխան բազմապրոֆիլ և բարձր որակավորված բժշկական օգնություն:


Մասնագետների գիտական, կլինիկական և կրթական գործունեության, առաջատար բժշկական հաստատությունների հետ համագործակցության, «Սիմենս», «Դրեգեր», «Շտորց», «Ռոշ», «Օլիմպուս» առաջատար ընկերությունների կողմից ժամանակակից տեխնոլոգիաների մշտական ներդրման շնորհիվ «Էրեբունի» բժշկական կենտրոնը լայն ճանաչում է ձեռք բերել ինչպես մեր երկրի տարածքում, այնպես էլ նրա սահմաններից դուրս:


Կենտրոնի մասնագետների վերապատրաստումը, մասնագիտացումն ու մշտական ուսուցումն արտասահմանյան առաջատար կլինիկաներում, ինչպես նաև նրանց մասնակցությունը միջազգային գիտաժողովներին, հնարավորություն են տալիս բժշկության նորագույն ձեռքբերումները մշտապես ներդնել կենտրոնի պրակտիկ գործունեության մեջ:


Կենտրոնում պացիենտների համար ստեղծված է հնարավորություն՝ ստանալու ախտորոշման և բուժման վերաբերյալ խորհրդատվություն, որպես երկրորդ կարծիք, Գերմանիայի, Ֆրանսիայի, Ռուսաստանի, ԱՄՆ և այլ երկրների առաջատար մասնագետների կողմից:


Էրեբունի բժշկական կենտրոնը Մխիթար Հերացու անվան Երևանի պետական բժշկական համալսարանի և Հայկական բժշկական ինստիտուտի հիմնական կլինիկական բազաներից է, որտեղ ուսանողները կրթվում են՝ ստանալով բակալավրի և մագիստրոսի կոչում, ինչպես նաև մասնագիտանում կլինիկական օրդինատուրայում: Կենտրոնը նաև հետդիպլոմային և շարունակական բժշկական կրթության համար կլինիկական բազա է: Այստեղ գիտահետազոտական աշխատանքներ կատարելու լայն հնարավորություններ են ստեղծված, այդ թվում՝ դոկտորանտուրայում և ասպիրանտուրայում:


«Էրեբունի» բժշկական կենտրոնը, մեծ ուշադրություն դարձնելով միջին բուժանձնակազմի միջազգային կրթական չափանիշներին և ծրագրերին համապատասխան պատրաստվածությանը, հիմնական կլինիկական բազա է նաև «Էրեբունի» բժշկական քոլեջի համար:


Յուրաքանչյուր հիվանդին անհատական մոտեցում. սա՛ է որակյալ բժշկական օգնության գրավականը: Այսպիսին է «Էրեբունի» բժշկական կենտրոնի աշխատանքի սկզբունքն ու կարգախոսը:


Կենտրոնի ադմինիստրացիան և աշխատակազմը ջանք չեն խնայում պացիենտների բարձր որակավորված, արդյունավետ և անվտանգ բուժումն ապահովելու համար:


Մաղթում եմ առողջություն:


Հարգանքով՝ Հարություն Քուշկյան

 

Մանրամասն...

Մեր մասին

«Էրեբունի բժշկական կենտրոն» ՓԲԸ-ն հիմնադրվել է 1991թ. «Էրեբունի» կլինիկական հիվանդանոցի հիմքի վրա: Կենտրոնն անցել է կայացման մեծ ճանապարհ և այսօր Հայաստանում խոշորագույն բազմապրոֆիլ բժշկական կենտրոններից է, որն իրականացնում է կլինիկական, գիտահետազոտական և կրթական գործունեություն, ինչի շնորհիվ լայն ճանաչում է գտել ինչպես մեր երկրում, այնպես էլ նրա սահմաններից դուրս:


«Էրեբունի» բժշկական կենտրոնում գործում է ութ հիմնական կլինիկա՝ ախտորոշիչ, վիրաբուժության, թերապևտիկ, անհետաձգելի բուժօգնության, սրտաբանության և սրտանոթային վիրաբուժության, նյարդաբանության և նյարդավիրաբուժության: Կենտրոնում գործում է ավելի քան 40 մասնագիտացված բաժանմունք, ինչպես նաև ծննդատուն և պոլիկլինիկա:


Բժշկական կենտրոնը հագեցած է գերժամանակակից ախտորոշիչ, բուժական և վիրաբուժական անհրաժեշտ բոլոր սարքավորումներով:   

 

 

ԷՐԵԲՈՒՆԻ բժշկական կենտրոն

 

 

ԷՐԵԲՈՒՆԻ բժշկական կենտրոն: Սրտաբանական և սրտանոթային վիրաբուժության կլինիկա. Անգիոգրաֆիայի և միջամտական սրտաբանության բաժանմունք Անգիոգրաֆիայի և միջամտական սրտաբանության բաժանմունք

 

 

 

Կենտրոնում աշխատում է  437 բժիշկ և 647 բուժքույր: Տարբեր բաժանմունքներում օրական ավելի քան 600 պացիենտ ստանում է ստացիոնար բուժում:


Կենտրոնը բժշկական ծառայություններ է մատուցում ինչպես Հայաստանի բնակիչներին, այնպես էլ օտարեկրյա քաղաքացիներին: 

«Էրեբունի» բժշկական կենտրոնը  հսկայական ներդրում ունի Հայաստանում  բժշկագիտության եւ բժշկական ծառայությունների զարգացման գործում:

 Բժշկական ծառայությունների արդիականացման և մակարդակի բարձրացման նպատակով կենտրոնը մշտապես աշխատում է նոր նախագծերի և ծրագրերի ներդրման վրա՝ անընդհատ արդիականացնելով կլինիկայի նյութատեխնիկական բազան «Սիմենս», «Դրեգեր», «Շտորց», «Ռոշ», «Օլիմպուս» առաջատար ընկերությունների նորագույն սարքավորումներով: «Էրեբունի» բժշկական կենտրոնը յուրաքանչյուր տարի, ընդլայնելով իր կապերը աշխարհի հայտնի կլինիկաների հետ, ստեղծում է հայ բժիշկների և արտասահմանյան առաջատար մասնագետների միջև բազմակողմանի համագործակցության նոր հնարավորություններ:

 

ԷՐԵԲՈՒՆԻ բժշկական կենտրոն: Սրտաբանական և սրտանոթային վիրաբուժության կլինիկա. Սրտանոթային վիրաբուժության բաժանմունք


 


«Էրեբունի» բժշկական կենտրոնի բազայի վրա ասպիրանտները եւ դոկտորանտներն  ակտիվ իրականացվում են գիտահետազոտական նախագծեր: 

Կենտրոնն արժանացել է «Ազգային վստահություն», «Լավագույն բժշկական կազմակերպություն» և «Բժշկական ծառայությունների լավագույն մատակարար» կոչումներին:


«Էրեբունի» բժշկական կենտրոնն ունի բազմաթիվ միջազգային պարգևներ և վկայագրեր:  


ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆ


   ՖԻՆԱՆՍԱԿԱՆ ՎԻՃԱԿԻ ՄԱՍԻՆ ՀԱՇՎԵՏՎՈՒԹՅՈՒՆ 2016 - 2017 թթ

 

Մանրամասն...

Թույլատրագրեր, վկայականներ եւ մրցանակներ

Բոլորը
Դեպի վեր