Կենսագրություն
Հարություն Մաքսիմի Քուշկյանը ծնվել է 1956 թվականի ապրիլի 14-ին, Երևանում
1963-1973 թվականներին ուսանել է Ա.Ս.Պուշկինի անվան միջնակարգ դպրոցում
1973-1980 թվականներին սովորել Երևանի պետական բժշկական ինստիտուտի բուժական ֆակուլտետում
Ինտերնատուրան անցել է Երևանի Շտապօգնության 2-րդ հիվանդանոցում 1980-1981 թվականներին
Մինչև 1984 թվականն Աշտարակի Կենտրոնական շրջանային հիվանդանոցում որպես շտապօգնության բժիշկ է աշխատել
1984-1985 թվականներին Երևանի Շտապօգնության 2-րդ հիվանդանոցի կրծքային վիրաբուժության բաժանմունքում աշխատել է որպես բժիշկ-օրդինատոր
1986 թվականին եղել է Էրեբունի հիվանդանոցի էնդոկրին վիրաբուժության բաժանմունքի վարիչը, իսկ 1990-1992 թվականներին գլխավոր բժիշկը
1992 թվականին հիմնադրել և մինչև 2007 թվականը ղեկավարել է «Էրեբունի» բժշկական կենտրոնը
1995-1996 թվականներին ՀՀ ՊՆ ռազմաբժշկական վարչության պետ, իսկ 1995-1999 թվականներին ՀՀ Ազգային ժողովի պատգամավոր է եղել
2002 թվականին հիմնադրել է և մինչև 2007-ը ղեկավարել է «Նաիրի» բժշկական կենտրոնը
2003 թվականից ՀՀ ԱՆ Առողջապահության ազգային ինստիտուտի էնդոկրին վիրաբուժության ամբիոնի վարիչն է եղել
2005 թվականից նախագահել է ՀՀ օլիմպիական կոմիտեի բժշկական հանձնաժողովը
2007-2012 թվականներին եղել է Հայաստանի Հանրապետության առողջապահության նախարարը
2014-2016 թվականներին եղել է Արցախի Հանրապետության առողջապահության նախարարը
Գիտական գործունեություն
1988 թվականին պաշտպանել է թեկնածուական թեզ` «Դիֆուզ տոքսիկ խպիպի վիրաբուժական բուժումն իմունամոդուլյատորների կիրառմամբ» թեմայով
1993 թվականին պաշտպանել է դոկտորական թեզ` «Սրտի ֆունկցիայի և իմունային համակարգի կորեկցիան վահանաձև գեղձի որոշ հիվանդությունների ժամանակ» թեմայով
1993 թվականին եղել է Երևանի պետական բժշկական համալսարանի թիվ 1 վիրաբուժության ամբիոնի պրոֆեսոր
2000 թվականին նախագահել է «Էրեբունի բժշկական լրատու» գիտաբժշկական հանդեսի հրատարակչական կոլեգիան
2003 թվականին Երևանի պետական բժշկական համալսարանի գիտխորհուրդը պրոֆեսորի գիտական կոչում է շնորհել
Գիտական աստիճանը
Բժշկական գիտությունների դոկտոր, պրոֆեսոր, էնդոկրին վիրաբույժ
57 գիտական աշխատություն, 2 մենագրություն, 3 նորարարական և նորամուծական առաջարկություն
Վերապատրաստումներ
1985 թվականին Մոսկվայի Էնդոկրինոլոգիայի և հորմոնների քիմիայի ինստիտուտ
1990 թվականին ԱՄՆ Կալիֆոռնիա նահանգի Լոս Անջելեսի համալսարան UCLA
1993 թվականին ԱՄՆ Հարվարդի բժշկական համալսարանի Բոստոնի Բեթ Իսրայել բժշկական կենտրոն
1999 թվականինԱՄՆ Կալիֆոռնիա նահանգի Լոս Անջելեսի համալսարան UCLA
Պարգևներ
2004 թվականին Ֆ.Նանսենի անվան շքանշան
2005 թվականին Երևանի պետական բժշկական ինստիտուտի Մ.Հերացու շքանշան
2005 թվականին ՀՀ Ազգային ժողովի կողմից ազգաբնակչության առողջապահության կազմակերպման գործունեության համար
2006 թվականին ՀՀ Նախագահ Ռոբերտ Քոչարյանի կողմից Մ.Հերացու անվան պետական մեդալ
2015 թվականին ԱՀ Նախագահ Բակո Սահակյանի կողմից «Մեսրոպ Մաշտոց» շքանշան
2016 թվականին ԱՀ վարչապետ Արայիկ Հարութունյանի կողմից Վարչապետի հուշամեդալ
2016 թվականին ՀՀ Նախագահ Սերժ Սարգսյանի կողմից «Հայրենիքին մատուցած ծառայությունների համար» 2-րդ աստիճանի շքանշան
Համագործակցություն
Ռուսաստանի Դաշնություն՝
- Էնդոկրինոլոգիայի և հորմոնների քիմիայի ինստիտուտ
Ֆրանսիայի Հանրապետություն՝
- Ֆրանսիայի հայ բժիշկների միություն (UMAF)
- Հենրի Մոնդոր հոսպիտալ
- «Ազնավուրը Հայաստանին» հիմնադրամ
Գերմանիայի Դաշնություն՝
- SIEMENS ընկերություն
- Հոմեոպաթիայի կլասիկ դպրոց
Ամերիկայի Միացյալ Նահանգներ՝
- ԱՄՆ ՄԶԳ (USAID)
- Ամերիկյան ՄԱՄ (AIHA)
- Միացյալ հայկական հիմնարամ (United Armenian Fund)
- Հարվարդի բժշկական համալսարան
- Բոստոնի Բեթ Իսրայել բժշկական կենտրոն
- Կալիֆոռնիայի համալսարանի Լոս Անջելեսի բժշկական կենտրոն
- Թոմաս Ջեֆերսոնի համալսարան
- Ուլտրաձայնային գիտահետազոտական և կրթական ինստիտուտ
Անդամակցություն
Հայկական վիրաբուժության XXI պրոֆեսիոնալների միության իսկական անդամ
ՌԴ Բնական գիտությունների ակադեմիայի իսկական անդամ
Օլիմպիական կոմիտեի անդամ
Ամուսնացած է, ունի 3 աղջիկ և 6 տղա թոռ
