«Էրեբունի» բժշկական կենտրոն
Medical Journal Erebouni

Վերականդանացման և ինտենսիվ թերապիայի բաժանմունք

Ընդհանուր նկարագրություն

«Էրեբունի» ԲԿ վերակենդանացման եւ ինտենսիվ թերապիայի բաժանմունքը հանրապետության առաջատար բաժանմունքներից է՝ իր տեխնիկական հագեցվածությամբ, մասնագիտական հզոր ներուժով եւ հնարավորություններով: 

Այստեղ տարեկան բուժօգնություն է ստանում ավելի քան 5000 ծանր ծայրահեղ ծանր հիվանդ: Բաժանմունքն ունի 60 մահճակալ:

Բաժանմունքում աշխատում է  ավելի քան 90 մասնագետ, որոնցից 14-ը բժիշկ,  54-ը՝ բուժքույր: 

Վերակենդանացման   բաժանմունքը հագեցած է անհրաժեշտ բոլոր սարքավորումներով՝  ռենտգեն և ուլտրաձայնային ախտորոշիչ հետազոտության սարքերով,  ինչպես նաև դիալիզի սարքով: Յուրաքանչյուր մահճակալ ապահովված է միջազգային չափորոշիչներին համապատասխան սարքավորումներով՝ անհատական թթվածնի մատակարարման կետով, արտածծման բացասական ճնշման  համակարգով, արհեստական օդափոխության սարքով, մշտադիտարկման սարքավորումներով: Այս  ամենը հնարավորություն է տալիս մշտապես հետևել հիվանդների կենսական ցուցանիշներին և իրականացնել դինամիկ հսկողություն, իսկ անհրաժեշտության դեպքում՝ արագ արձագանքել:

Բաժանմունքի ներսում  բժիշկները   հնարավորություն ունեն միանգամից մեծ էկրանի վրա տեսնել հետազոտության արդյուքները, պատկերները և օնլայն ռեժիմով կազմակերպել խորհրդատվություններ գործընկերների հետ, խնայելով ժամանակը՝ ճիշտ որոշումներ կայացնել  հիվանդների բուժման ընթացքում: 

 

Բաժանմունքն առանձնանում է նաև իր հարմարավետությամբ ինչպես   բուժաշխատողների, այնպես էլ հիվանդների համար:

Առանձնացված է տարածք՝ հիվանդների սննդի կազմակերպման համար:Հատուկ հարմարանքներով կահավորված է հատուկ լոգասենյակ՝ նախատեսված  ծանր և ծայրահեղ ծանր հիվանդների   լոգանքի կազմակերպման և բարձակարգ խնամք  ապահովելու համար:

 

  

 

 

 

 

 

 

 

 

 

 

 

 

 

 

Հիմնական գործունեության ուղղությունները

Բաժանմունքում իրականացվում է ծայրահեղ ծանր հիվանդների բուժում՝ անկախ էթիոլոգիայից: Կլինիկայի աշխատանքի առաջնահերթ ուղղություններն են հետևյալ ախտաբանությունները.

 

  • մանկաբարձական սեպսիս, մանկաբարձական արյունահոսություն և գինեկոլոգիական բարդություններ,
  • նյարդաբանական վնասվածքներ,
  • ուղեղի արյան շրջանառության սուր խանգարումներ,
  • գլխուղեղի հետհիպօքսիկ ախտահարումներ,
  • սեպսիս և բազմաօրգանային անբավարարություն,
  • ներհիվանդանոցային կամ ծանր արտահիվանդանոցային թոքաբորբեր,
  • կենտրոնական նյարդային համակարգի վարակներ,
  • ծանր որովայնամզաբորբեր (պերիտոնիտներ) և վիճակ՝ ռելապարատոմիայից հետո:


Ավելին` շնչական համաճարակների ժամանակ կամ նոր վարակի առաջացման սպառնալիքի դեպքում հենց այստեղ են հոսպիտալացվում ծանր հիվանդների մեծամասնությունը, ովքեր պոլիվալենտ ինտենսիվ թերապիայի կարիք ունեն:

Ինտենսիվ թերապիայի բաժանմունքի բազայի վրա ներդրված նորարարական մեթոդներ

Պերկուտան դիլատացիոն տրախեոստոմիա
Առաջինը հանրապետությունում մեր բաժանմունքի բազայի վրա ներդրվեց ստանդարտ պերկուտան տրախեոստոմիան, որն իրականացվում է ռեանիմատոլոգի կողմից՝ առանց հիվանդին վիրահատարան տեղափոխելու: Յուրաքանչյուր ամիս իրականացվում է նմանատիպ 4-5 միջամտություն, որոնք զգալիորեն կրճատում են շնչառական օժանդակման տևողությունը, ներհիվանդանոցային վարակային բարդությունների հաճախականությունն ու ծանրության աստիճանը:

Տրանսկրանիալ դոպլերոգրաֆիա (ՏԿԴ)
Չնայած մեթոդը շատ հին է` առաջինը Էրեբունի ԲԿ ԻԹԲ-ում սկսեցին իրականացնել տրանսկրանիալ հեմոդինամիկայի ստանդարտ մոնիտորինգ: Գիտական ղեկավար Հ.Ն. Մանգոյանը, լինելով ՏԿԴ մասնագետ, կատարում է չափումներ, վերլուծում տվյալները՝ կաթվածով կամ ԳՈւՏ հիվանդների բուժման ռազմավարությունը շտկելու նպատակով:

Ուղեցույցային հակաբակտերիալ բուժում
Ծանր վարակների հակաբակտերիալ բուժման ոլորտին վերաբերող խորհրդի, ուղեցույցների և հարուստ փորձի համար մեզ են դիմում ոչ միայն մեր կլինիկայի աշխատակիցները, այլ նաև այլ հիվանդանոցների մեր գործընկերները:


Տեսական և գործնական գիտելիքի լայն տարածումը բաժանմունքի այցեքարտն է, ավանդույթ, որը ներդրված է բաժանմունքի հիմնադիր, հանրապետության վաստակավոր բժիշկ, պրոֆեսոր Գ.Գ. Մխոյանի կողմից:


Էրեբունի բժշկական կենտրոն: Ինտենսիվ թերապիայի բաժանմունք

 

Անձնակազմ
Անատոլի Գնունի Անատոլի Գնունի Գրել նամակ Վերակենդանացման և ինտենսիվ թերապիայի բաժանմունքի գիտապրակտիկ ղեկավար, ՀՀ ԱՆ խորհրդատու անեսթեզիոլոգիայի և ինտենսիվ թերապիայի գծով ռեանիմատոլոգ-անեսթեզիոլոգ
Հարություն Մանգոյան Հարություն Մանգոյան Գրել նամակ «Էրեբունի» ԲԿ վերակենդանացման և ինտենսիվ թերապիայի բաժանմունքի գիտական ղեկավար անեսթեզիոլոգ-ռեանիմատոլոգ բ.գ.թ.
Արմեն Մուրադյան Արմեն Մուրադյան Գրել նամակ Վերակենդանացման և ինտենսիվ թերապիայի բաժանմունքի վարիչ անեսթեզիոլոգ-ռեանիմատոլոգ
Հասմիկ Քոչարյան Հասմիկ Քոչարյան Գրել նամակ անեսթեզիոլոգ-ռեանիմատոլոգ
Արշալույս Պողոսյան Արշալույս Պողոսյան Գրել նամակ անեսթեզիոլոգ-ռենիմատոլոգ
Եվա Ավետիսյան Գրել նամակ անեսթեզիոլոգ-ռեանիմատոլոգ
Վիկտորյա Բաբայան Գրել նամակ անեսթեզիոլոգ-ռեանիմատոլոգ
Հրաչ Սիմոնյան Գրել նամակ անեսթեզիոլոգ-ռեանիմատոլոգ
Սրբուհի Միքայելյան Գրել նամակ անեսթեզիոլոգ-ռեանիմատոլոգ
Ալլա Տիգրանյան Գրել նամակ անեսթեզիոլոգ-ռեանիմատոլոգ
Սուսաննա Հովհաննիսյան Գրել նամակ անեսթեզիոլոգ-ռեանիմատոլոգ
Սամվել Միրիբյան Գրել նամակ անեսթեզիոլոգ-ռեանիմատոլոգ
Կարեն Գրիգորյան Գրել նամակ անեսթեզիոլոգ-ռեանիմատոլոգ
Քրիստինե Վանեսյան Գրել նամակ անեսթեզիոլոգ-ռեանիմատոլոգ
Տիգրան Միքայելյան Գրել նամակ անեսթեզիոլոգ-ռեանիմատոլոգ
Շավարշ Այվազյան Գրել նամակ անեսթեզիոլոգ-ռեանիմատոլոգ
Գոռ Գրիգորյան Գրել նամակ անեսթեզիոլոգ-ռեանիմատոլոգ
Կրթություն

Բաժանմունքը «Մ. Հերացու անվ. ԵրՊԲՀ  անէսթեզիոլոգիայի և ռեանիմատոլոգիայի հետդիպլոմային և շարունակական կրթություն» ամբիոնի բազա է, որտեղ սովորում են անէսթեզիոլոգիայի և ռեանիմատոլոգիայի կլինիկական օրդինատորների մեծ մասը, ինչպես նաև ՀՀ մարզերի կլինիկաների բժիշկները՝ շարունակական կրթության կամ կատարելագործման ցիկլերի տարբեր ծրագրերով:


Ամբիոն

ԵրՊԲՀ անէսթեզիոլոգիայի և ռեանիմատոլոգիայի հետդիպլոմային կամ շարունակական կրթություն:


Ամբիոնի աշխատակից.
Մանգոյան Հարություն Նորայրի, ամբիոնի ասիստենտ

Տպագրված գիտական աշխատանքներ
Գնացուցակ
  Ծառայության անվանումը Արժեքը (դրամով)
  Վճարովի հիվանդի բուժման 1 օրվա արժեքը ( առանց դեղորայքի և հետազոտությունների ) 40,000
  Բուժում վերակենդանացման բաժանմունքում մինչև 10 օր տևողությամբ (դեղորայքի և հետազոտությունների մասնակի ներառումով ) ** 400,000
  Լրացուցիչ դեղորայքի փոխհատուցում, ըստ փաստացի կատարված ավել ծախսի                                  1,000
  Լրացուցիչ դեղորայքի փոխհատուցում, ըստ փաստացի կատարված ավել ծախսի 1                                  5,000
  Լրացուցիչ դեղորայքի փոխհատուցում, ըստ փաստացի կատարված ավել ծախսի 2                                10,000
     
*Բոլոր գներում ներառված չեն ՀՀ առողջապահության նախարարի հրամանով հաստատված հատուկ և դժվարամատչելի ախտորոշիչ հետազոտությունների արժեքները
*Բոլոր գներում ներառված չեն մետաղական կոնստրուկցիաների, ստենտների, պրոտեզների, ինչպես նաև թանկարժեք դեղամիջոցների, արյան բաղադրամասերի, սննդի, առանձնացված հիվանդասենյակների արժեքները
** Նշված գինը նախատեսված չէ ապահովագրական կազմակերպությունների համար
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Դեպի վեր